Transcription
1
Monsegneur, jey receu la votre du XIIIe febvrier. Je vous
2
puis asseurer que madamoyselle de Sanct Prie de jour à aultre en
3
convallessence, la Dieu grace et vous remercie bien humblement
4
la bonne souvenance que avés delle. Jey faict faire que jey heu aultres
5
acticquetz de messieurs les consulz de de [sic] ceste ville pour fère
6
desloger les Suysses que sont lougés en son lougis, par votre
7
moyen, de monsieur de La Tievollière et de Sainct Aindré qui sen sont
8
employés, mesmes monsieur de Sanct André lest allé visiter
9
et offra tout ce quest à son povoir, tant du votre que du scien.
10
Je ne faiz faulte de laller veoir tous les jours et luy offrir tout
11
tout ce quest à la Tresaurerie et scavoir delle si elle a faulte daulcune
12
chose. Jespère que ce jourdhuy lon me fera venir du charbon
13
de Chechilienne. Je luy ferey tenir et quelques chappons. Quest tout
14
ce que je vous puis escripre, après avoir prié Notre Seigneur vous
15
avoir,
16
monsegneur, en sa sainte grace et vous meintenir
17
en très bonne saincté et longue vie. De Grenoble,
18
ce XVIIe febvrier 1574.
19
Les consulz de La Terrasse sont
20
prisonniers en ceste ville pour
21
la cocte du magasin de la gendarmerie,
22
de quoy voz povres subiectz vous
23
escripvent comme verrés par leurs
24
lettres et vous supplient très humblement
25
les volloir favoriser, si nest du tout,
26
en partie et ilz vous seront grandement
27
tenuz, oultre les aultres biens que
28
journellement ilz recoipvent de vous
29
et ont receu par le passé, tant de vous
30
que de voz ancestres. Ce faisant, ilz prieont
31
Dieu quil vous aye en sa sancte garde.
32
Votre humble et obeyssant
33
serviteur à jameys
34
Jehan de brunel